خناقه.. بقلم الاستاذ أحمد عبدالباقى

خناقه..
----------------

أنا قلبي اتخانق مع عقلي
علي لعبة حب
القلب دا كان ماسك فيها...
والعقل بشد ويرميها
وأنا واقف بينهم محتار
تايه مش عارف ليا قرار
سكران ومبهدل ع الآخر
خايف أجرحها فـ بتاخر
وبدمع الدمع الصامت
اللي مشاعره أساسا نامت
من ريحة عطر المناديل
إحساسي الساكن جوايا
مبقاش ينفع ليا دليل
بقا محتاج يتعالج جدا
أو يتشال واتحط بديل
إحساسي الساكن جوايا
بقا عايش ميت وعليل
بتسند علي وهم الذكري
مش فاكر إيه حصل إمبارح
وبفكر إيه يحصل بكره
بقا خايف جدا م الحب
وبيقفل علي نفسه بـ أوكره
والسبب الواضح هو إنتي
مش ذنبي إننا شايفك بنتي
وسايبلك روحي تكونلك بيت
تلعبي جواه وترسمي ع الحيط
بس إنتي رسمتي هم تقيل
ازداد الحمل وقطع الخيط
خلي القلب مريض نفساني
خلي القلب يبقي عبيط
عايش تايه في الملكوت
مش فارقه معاه اصلا حاجه
غير إنه يسيب قلبك خالص
لوحتي في بعدك هـ يموت
بقلم

:-أحمد عبدالباقي