من زمان ،،مش فاكره إمتي
في قلبي ساكن
من زمان يابحر وانت
عندي اغلي الاماكن
حتى لما باكون بعيييد ،،
باشوفك....
في ابتسامه ع الشفايف
فيها فرحة ،
ولو قليلة ،، بتبقي عارف
فيها حزن متداري وخايف
لو حزنت
اجري عليك.. تدوب دموعي جوه موجك
حتى في فرحي التقيك
فرحه،،،، وصداها حدودك
كنت اقول يا بحر انت سري
واسمع وشوشتك تقولي
انك خيالي .... ورسم ظلي
وكبرت يا بحر معاك
ويا موجك ،، يجري عمري
كل يوم عدي عليا
اعترفلك ،،،،،
حاجه جوايا تقولي ،،،،
إني باتمني اخونك
ايوه ،،،، اخونك
اعترفلك يا بحر اني.....فكرت اخونك
يوم ماصدقت اني ممكن الاقي غيرك يمحي شجوني
يحضن جنوني
اعترفلك يابحر اني ، وف غفله مني
خدتني الدنيا مني ،، سرقتني منك
روحت وياها بخطري
اعترفلك يابحر اني
اتمنيت كتيييييير.... افوتك
لو كانت دي تبقي الخيانه،،، ابقي خونتك
يوم ما صدقت وهمي
يوم ما مشيت ويا ظني
وعشت حلمي
اني الاقي زي صفوك ،، وان فيه في دنيا صدقك
واديني جيت
ارمي حزني بين ايديك
جيت اقولك ،،،
خدني يا بحر في حضنك
واحلفك تقبلها توبتي
كل املي.،،، املا نفسي حتى بعواصفك
هتكون احن عليا مني
حتى لو وجعني مرك
حتي لو جرحني غدرك
هيبقى قدري
خليني اغمض عيني واحلم
اني موجه ف قلبك بتجري
اروح بعيييد
وانسي نفسي
ماهو انت نفسي
ولو عشت الف عمر تاني
عمري ما افارقك
همسات قلم نور الهدايه
