مقتطفات ,,,بقلم الأستاذ ,, محمود شبيب

صباحكم نور وبخور
مسك وعطور
بتفوح من اجمل زهور
============
من بعد ما خمر القوافي اعصره
تعتق بفكري والمعاني تخمرو
سامح خطا عملو صديقك واغفره
جناح الوفا يا صاح اوعى تكسره
اللي معك معروف بعمل اشكره
خليه ببالك دوم انت تذكره
ان كان ما بتقدر على رد الجميل
خليك فاكر بس اوعى تنكره
====محمود شبيب ====

*******

يا ناس هالدنيا مثل شله
وخيوطها مختلفة الالوان
فيها خيوط العدل يا خلي
وفيها خيوط الظلم والطغيان
فيها خيوط الخير متجلي
وفيها خيوط الشر والشيطان
فيها خيوط الحقد متدلي
وفيها خيوط الحب والتحنان
فيها خيوط تزود العله
وفيها خيوط بتشفي للعيان
فيها خيوط الشوك والمله
وفيها خيوط الورد والريحان
فيها خيوط تطلعك تله
وفيها خيوط تنزلك وديان
فيها خيوط الفي والظل-ي
وفيها خيوط الشمس والنيران
فيها الوفا والصدق شو قله
اما الخداع مكدس باطنان
عاطول صوم لربك وصلي
وزكي وحج واعبد الرحمن
بالاخره شو حصدت من غله
انت ونصيبك يا بني الانسان
تا تنتهي من خيوط هالشله
ويحضرو لك بيض هالاكفان
ربك عليم بكل شي عملته
هو الحسيب الواحد الديان
===محمود شبيب ===


***

رقه وجمال وسحر طاغي بتملكي
لا تزعلي لا تحزني لا تشتكي
لا تشغلي بالك ولا تتلبكي
عقلي وروحي والقلب كلي لكي
انتي الاميره وحدك على المملكه
بعطر الوفا والحب ظلي تمسكي
اللي بلوموني بحبك غلطانين
ومهما يلوموني ما رح اسمع حكي
====محمود شبيب ====