**قطر النوم**
وبعجله الدايس بحديده
فوق شوقي الصابر
ياكل ف السكه وبيصرخ
ف ودان السامع
لمحتك بتشدي ف قلبي
وتنادي والقطر بيزعق
ب وصولي الاخر
علي بابه
انتي برصيفي
بتشاوري للقلب الصيفي
ب يدبدب حامي
وبيرمح لعينيكي
ال واحشاني الطله
لجدايل دهبك علي كتفك
بيرفرف طاير م الفرحه
و بيوهب احساس اللمعه
ابرق ف سماكي وكأني
النجم الثاقب
ادخل عربيتي المكشوفه
والشمس ال واقفه مكسوفه
من نور البسمه والهاله
والحاله انا ماسك يدك
توقع نضارتي واضمك
ف البرد اتغطي ادفن وشي
ف جدايل شعرك اتدفي
يلمحني السايس
اجري لعربيتي اتخفي
وادوس بنزين
اكسر امبيري م السرعه
واحس ف رجليا بسقعه
تدفسني مراتي
وبصرعه
اتغطي كوووووويس
#تخاريف #تخاويف
بقلمي #ابراهيم الفيراوي
بقلمي #ابراهيم الفيراوي
0 التعليقات:
إرسال تعليق