عباسيات ,, بقلم الأستاذ ,,, عادل عباس

عباسيات
[{©}]. خليك وحداني. [{©}]
نسيت لما كنت يوم فحضني
وخداك الدنيا سعيد ومتهني
ورامي حمولك علي كتافي
بتقول حنانك بس يطمني

جريت ورا ناس متزوقين
عيون زايغة ووشوش متلونين
ميعرفوش الطيبه ولا حنينين
وكلهم اسوة مليانين انين
و رجعت تاني بتطلب السماح
وندمان علي العهد اللي راح
ونفسك فحضن دافي ترتاح
خلاص انسي البسمه و الافراح
ليه نعيد السهر والالم تاني
والقلب يتنهد مع الاماني
وترجعني لقسوة اشجاني
لا ياقلبي خليك وحداني
هاعيش وحدي بدون حبيب
واقفل علي قلبي بامر طبيب
وانسي السهر واللوعة والتعزيب
وعيوني دواها دموع ونحيب
ويدبل شوقي و فرحي جوايا
وتبقا الوحده بس منايا
والبعد عنك لوحده بدايه
واقول يا رب كمل الهدايه
بقلم الشاعر عادل عباس