اشارة مرور
,,,,,,,,,,,,,,
سلاموا عليكوا ..
امبارح كنت واقف فى اشارة مرور فى وسط البلد ولعت سيجارة ال ام زرقاء على مل تفتح الاشارة و اثناء انتظارى و مع اول نفس من السيجارة سمعت الحوار دا بين عربيتى و العربيه اللى جنبى و كان حوار ليه العجب ..
عربيتى (ف.ر.ح 111) والعربيه اللى جمبى شيروكى ( ح.ز.ن 6666) ..
مساء الخير يا ح.ز.ن .
مساء النور يا ف.ر.ح..
عربيتى ..مالك شكلك كئيب كده ليه مع انك احدث موديل و زى الفل و على سنجه عشرة ؟؟
الشيروكى..قرفانه مش بشوف الشارع الا مرة واحده فى الاسبوع و محبوسه فى الجراج باقى الاسبوع..
عربيتى .. يا لهوى محبوسه دا انا كنت اموت و هو فى حد يحبس الفمر دا اسبوع اتاريكى فوانيسك دبلانه و اكسدامك مكشر ..
الشيروكى .. غصب عنى انا واحده من 4 عربيات عند صاحبى و مش بيخرج بيا كتيير و حتى لما بيخرج بيا بيعاملنى وحش و مش بيخاف عليا ..
عربيتى .. الحمد لله انا صاحبى مدلعنى اخر دلع ملوش غيرى بخرج معاه كل يوم بيفرجنى على البلد كلها وفى كل مشوار بيكون معاه اولاده و اسرته بيملو حياتى بهجه و حب و لعب دا حتى لما بيروح القهوة مع اصحابه بكون معاهم بيركنى جنب رصيف القهوة و بسمعه و هو بيقول لاصحابه ان انا اصيله و مريحاه مع انى ماركه عاديه بس بيعاملنى ولا المرسيدس يا ما وقفت معاه فى طوابير البنزين اي نعم هو بنزين 80 بس و ايه يعنى ...
الشيروكى .. يا بختك بصاحبك انا وحيده لوحدى مليش اصحاب كان نفسى اكون زيك الف فى كل الشوارع اوصل الاصحاب و صاحبى يهتم بيا زى صاحبك ..
و الاشارة فتحت و مشيت بعربيتى و قولت الحمد لله و قررت اكافى عربيتى و لمعتها بالفوطه الظفرة و اشتريتلها معطر ياسمين ...
و اتعلمت من عربيتى حكمه ...
مش مهم تكون عايش فى قصر علشان تحس بالسعاده ...
مش مهم تكون لابس اغلى ملابس علشان تحس بالعز ..
احساسك بالسعاده بيتولد من الرضا باللى انت فيه
احساسك بالامان بيتولد لما تكون وسط ناس بيخافوا عليك حتى لو ساكنين فى عشه ..
عربيتى علمتنى كل ده فى اشارة مرور...
.
.
.......................................................... محمد عطية
,,,,,,,,,,,,,,
سلاموا عليكوا ..
امبارح كنت واقف فى اشارة مرور فى وسط البلد ولعت سيجارة ال ام زرقاء على مل تفتح الاشارة و اثناء انتظارى و مع اول نفس من السيجارة سمعت الحوار دا بين عربيتى و العربيه اللى جنبى و كان حوار ليه العجب ..
عربيتى (ف.ر.ح 111) والعربيه اللى جمبى شيروكى ( ح.ز.ن 6666) ..
مساء الخير يا ح.ز.ن .
مساء النور يا ف.ر.ح..
عربيتى ..مالك شكلك كئيب كده ليه مع انك احدث موديل و زى الفل و على سنجه عشرة ؟؟
الشيروكى..قرفانه مش بشوف الشارع الا مرة واحده فى الاسبوع و محبوسه فى الجراج باقى الاسبوع..
عربيتى .. يا لهوى محبوسه دا انا كنت اموت و هو فى حد يحبس الفمر دا اسبوع اتاريكى فوانيسك دبلانه و اكسدامك مكشر ..
الشيروكى .. غصب عنى انا واحده من 4 عربيات عند صاحبى و مش بيخرج بيا كتيير و حتى لما بيخرج بيا بيعاملنى وحش و مش بيخاف عليا ..
عربيتى .. الحمد لله انا صاحبى مدلعنى اخر دلع ملوش غيرى بخرج معاه كل يوم بيفرجنى على البلد كلها وفى كل مشوار بيكون معاه اولاده و اسرته بيملو حياتى بهجه و حب و لعب دا حتى لما بيروح القهوة مع اصحابه بكون معاهم بيركنى جنب رصيف القهوة و بسمعه و هو بيقول لاصحابه ان انا اصيله و مريحاه مع انى ماركه عاديه بس بيعاملنى ولا المرسيدس يا ما وقفت معاه فى طوابير البنزين اي نعم هو بنزين 80 بس و ايه يعنى ...
الشيروكى .. يا بختك بصاحبك انا وحيده لوحدى مليش اصحاب كان نفسى اكون زيك الف فى كل الشوارع اوصل الاصحاب و صاحبى يهتم بيا زى صاحبك ..
و الاشارة فتحت و مشيت بعربيتى و قولت الحمد لله و قررت اكافى عربيتى و لمعتها بالفوطه الظفرة و اشتريتلها معطر ياسمين ...
و اتعلمت من عربيتى حكمه ...
مش مهم تكون عايش فى قصر علشان تحس بالسعاده ...
مش مهم تكون لابس اغلى ملابس علشان تحس بالعز ..
احساسك بالسعاده بيتولد من الرضا باللى انت فيه
احساسك بالامان بيتولد لما تكون وسط ناس بيخافوا عليك حتى لو ساكنين فى عشه ..
عربيتى علمتنى كل ده فى اشارة مرور...
.
.
.......................................................... محمد عطية
0 التعليقات:
إرسال تعليق