لقاء,,, همسات قلم نور الهدايه

 



لقاء
العيون دى
من زمان
انا شفتها

وقبل النهارده
أكيد عرفتها
يمكن أكون فى دنيا تانيه
أنا عشتها
ولا رؤيه
فى ليله صافيه
حلمتها
اللمسه دى حاسانى برضه
لمستها
شفتنى جوليت
وإنى جربتها
حتى الحروف
لقيتنى عبله
وفى القبيله همستها
زى ما اكون سمعتها
ولا يمكن ليلى وأشعارها
حفظتها
أو بثينه
ودمعه حزينه
على خدها
حتى ضلوعى
اللى من حوا ورثتها
كلهم فى ثانيه بقوا
أنا...
وروحى كمان ضيعتها
تهت معاهم
من أول نظرة
منى سحرتها
حسيتك لى
آدم
روميو
حتى عنتر
و كمان جميلها
قريتنى قصيدة
على التوباد
نقشتها
وسمعت صوت فيروز
فى غنوه رددتها
فى لحظة ما اتقابلنا
وعينيك انا شفتها
همسات قلم نور الهدايه