ضيف فى ملكوت الرحمن
================
انا ضيف فى ملكوت الرحمن
خلقنى ربى وسوى بنان
لهدف محدد للانسان
نسجد ونعبد لعظيم الشان
سبحانه ربى بقدرة تمام
من نطفة علقة احيا رجال
ونساء نبات ده فى كل مكان
يحيى يميت هو الرحمن
لحكمة بالغة فى كل زمان
وسماء وارض اشكال والوان
خلق وابدع فى الاكوان
والحمد ليه ويا العرفان
لايكفوا قدره عظيم منان
والروح وهبها للانسان
وكرمه بالعقل كمان
والفكر يعجز مع توهان
فى نظام ودقة للاكوان
الجسم دورة تلف تمام
بدم محفوظ لحياة انسان
والدورة برضه فى الحيوان
لو صار ذبيح يبقى السيلان
ونفس يخش ومعاه دخان
ويخرج بتوقيت الرحمن
والهضم برضه مع الذوبان
مصنع بقدرة من المنان
والمخ وخلايا الاحساس
بشبكة واصلة فى كل الناس
ملايين بتتجدد فى اوان
وتموت بأمره مع الازمان
هو العليم هو الاحسان
بعلم ربى مش الانسان
ومهما اعرف علم كمان
انا ذرة فى علوم الرحمن
من طين خلقنى وسوى بنان
بمعجزة ونسجد عرفان
وعدله مقسوم فى الميزان
لكل خلقه حتى الحيوان
والنمل والنحل دى اكوان
كله بيسجد للرحمن
يارب بشفاعة العدنان
ارحمنا بالعدل واحسان
واحسن لنا فى الخاتمة كمان
ده انا ضيف فى ملكوت الرحمن
مع تحيات الفقير إلى الله
ياسر شرف
كبير محررين مترجمين
باتحاد الاذاعة والتلفزيون
0 التعليقات:
إرسال تعليق