الحلقه الاولى من يوميات جعدور وبخه بقلم زهرة النسرين ونور الهدايه

يوميات جعدور وبخة
نور الهداية .. بدور جعدور
زهرة النسرين .. بدور بخة
12-01-2014, الاصدار الاول

**************

********
جعدور..


يوميات جعدور وبخة
سلام الله على اهل الدار والصحبة
فينك ياست الدار يابخة
انا جيت من شغلي في عز الزحمة
رجلي ﻻفة ودماغي دايخة
قدرني ربي واديني الصحة
انتي مين ياحاجة؟
وفين مراتي بخة ؟




بخة



يوميات جعدور وبخة
اهلا وعليكم السلام ياجعدور
نورت بيتك يارب على طول
ايه ياراجل شفت جن مسحور
انا قدامك اهو حاطة خلطة ام نور
هيبقى وشي بيلمع وﻻ بدر البدور




يارب ﻻحول اﻻ بيك وﻻ قوة
ياوليه عارف انك مش حلوة
وصابر وراضي وكاتم الشكوى
كمان تخضيني على غفلة ؟
ام نور من اﻻصل ماشاالله
وعلى رأي المثل
ايش تعمل الخلطة للي عيونه حلوة



 

بتقول عني مش حلوة؟
طيب بيت ابويا بيا اولى
وخلي وﻻدك عندك
ﻻ فيا حيل ليهم وﻻ قوة
ولما تقدر نعمته عليك
تيجي والندم في عنيك
وممكن كمان مش ارضى





خﻻص ياستي وتاج راسي
دا انتي عزوتي وناسي
الحلاوة حلاوة الروح
وانتي حبي واساسي
امانة عليكي
شيلي اللبخة عشان تتعدل راسي
وروحي الحقيني بالغدا
احسن عصافيري بتصاصي







الغدا ... هو انا مش قلتلك ياجعدور
النهاردة كتب كتاب البت نور
واتلهيت معاهم وحياتك مافضيت
هحطلك شوية مش واقليلك بيض
واهو حاجة خفيفة واسمك اتغديت



وحياة حبيبك النبي يارب صبرني
ﻻ انا عارف اكل وﻻ اشرب وﻻ حد عبرني
اروح فين ياناس حد يدبرني
بخة خلاص شكلها عايزة تودرني




كل يوم تشتكي ؟داانت في نعمة من رحمن
واعمل حسابك للدخلة هتشتريلي فستان
والبت بتك عايزلها غويشة هي كمان
اتصرف يااخويا هو انا هشيل همك انت كمان





رحمتك يارب بعبدك الغلبان جعدور
طول النهار في الساقية بدور
ويجي البيت قال ايه يلاقي بدر البدور
وانت اللي عالم يارب ايه في العقل بيدور
ولسة في طلبات ﻻ كدا يبقى راح جعدور
هسيبلك البيت احسن والم انا الدور

LikeShow more reactions