أنا هبري سن القلم
****
الليلة هبري القلم وانا بالي بيك مشغول
الهم فوق الكتاف فوق طاقتي مش معقول
ودعيت لرب السمآ يزيح البلا وهمووم !
اسمع دعايا يارب وانشالله كان مقبووول *
*******
انا لما ببري القلم بكتب كلام مظبوط
وبرصه زي الطوب فوق الحيطان محطوط
اصل المربع فن ليه أصل ويا شروط
بضرَب ف سايب هناك بيخاف هنا المربوط
********
بري القلم معلمة والصنعة رباعيات
لم الحروف حرفنة والناهية بالقافيات
ياريتها الحكاية اقلام او موس وبرااية !
مكنش حد غلب او تعبته الكلمات
*********
إذا كان هتبري القلم ورينا واحنا نشوف
ونقول صحيح الألم ملهوش دوا موصوف
وجع القلوب الهوي والشوق مرار وعذاب !!
ولا أي شيء ترجمه غير القصيد وحرووف
********
في الأصل لما كتب كتب القلم برصاص
والجاف جفاف الأسية مفيهوش كمان إحساس
قرب وطبطب ياحق وأمحي بقا الباااطل !!!
دا زمان جبان قام ضرب برصاص خسيس قناص
*********
هبريلُه سن القلم أكتب وأقول مخصوص
عشق الحروف مرجلة مش كلمة جوه قاموس
علي عيني شوفتك ياغالي لما أنت جمهووري !
رغم المسافة بعيد ... الحب شيء محسووس
*********
وأنا بوعدك هبريه سن القلم وأمسح
كل الحروف الزيادة حتي اللي جاي ينطح
وأخود بأيده البسيط من جالي يتعلم !!
وأعرف أصول الناس أصل المعون ينضح
همامي
0 التعليقات:
إرسال تعليق