** صباح جديد :
=========
عالكون يطل نهار جديد
قصايد محبة وفرح
نبض قلوب ترددا
وشمس تسطع بالأمل
بمواسم خير بتوعدا
يايوم جديد
شق العتم والليل
أحلى صبح فيك ابتدا
يانسمات المحبة
وتغريد البلابل
وعناق الورد للندى
ياحلم بعيون البراءة
يفتح بالقلب زهرة
وينثر عطرو عالمدى
والجوري بلون الحبّ
والياسمين يهمس :
ياعشاق كونوا سوا
عا دروب الهدى
وبلادي الحزينة تلملم جراحا
وتضحك للفجر الحلو
تنادي : أنا رغم الوجع صامدة
وبأرضي يمشي الفدا
يايوم جديد
عا وطني طِلْ
اغسل جراحنا بالغار والفلْ
لملم الدّمعات من عيون الكلْ
بكحل الفرح والنَّصر
زيّنْ عيون بلادي
وبعزيمة أكيدة تتحدى الردى
يايوم جديد
عم تشرق وتهلْ
تعال متل الأحلام
أسعد الأيام
ومامتلك حدا .
**
ريحانة الشام : مريم كباش
0 التعليقات:
إرسال تعليق