ا .
🎶 كومه قش 🎶مش لاقي نفسي في كوم قش
والدنيا صعبه وكل شيئ هش
والدمعه وقفه وصوتي مابيوصلش
وحنجرتي نشفه ومحشوره حشر
و الناس عماله بتنبش نبش
لا حد حاسيس والايام مبترحمش
والحب إندفن في دنيا مبتعرفش
الا الحرامي عايش وماسك قرش
والفقير ينداس والغني يزود كرش
ويسرق قوت الغلابه ومبيحرمش
ولا يعرف طعم الجوع ومبيندمش
لما تيجي الكارثه يقول مظلوم محصلش
طب منين بنا القصور ولا دلوقت مبتفهمش
وكنت فاكر انك اسطوره ومبتقعش
وعقلك وكبريائك خلوك لربك متعرفش
ابني وزود في البنا وكوم اموال وجدد العفش
لاعمر الحرامي يتوب واكل الربا يفضل جحش
لحد يوم اللقا يجي الندم بس التوبه مبتنفعش
عيش من دم الناس بكره جاي مبيتآخرش
وهتتحاسب في الدنيا والاخره ليك عرش
من نار جهنم الحمره تخيل لا متتصورش
هتتساق ليها ومفيش رجوع ولا مرش
ياباني قصور الدنيا الكفن مبيفرقش
والفقير هيعيش اصل انت مبترزوقش
الرزاق موجود يرزوق عبيده مبيغفلش
اسرق واكدب خرب وافسد ومتزعلش
لما تموت والرحمه عليك ماتتقلش
ومليكه العذاب في قبرك نار متبردش
وولادك يكلو في بعض من فساد القرش
بس افتكر ان الدنيا ليها رب مبيفوتش
بقلم /
🎶 الشاعر ايهاب الزيات 
0 التعليقات:
إرسال تعليق