الأخ الكبير ,, بقلم الأستاذ ,,بيبو البدر الساطع. السويفي

(( ألاخ الكبير –موال ))
بدعيلك في سجودي ربي ..
يا احن قلب ياخويا ياصاحبي..
ياللي صورتك ذكرى جميله..
عمرها ما تتشال من جوه قلبي..
دا انت كنت ف الشده جنبي..
بتشد عودي بتكون لي سندي..
ولو مر طيفك قدام خيالي
الدمعه تنزل وغصب عني..
الدمعه تنزل وغصب عني..
اروح قوام اتوضا واصلي
وأدعيلك في سجودي ربي ..
يا احن قلب ياخويا ياصاحبي..
&&&&
ان انت تبقى ف الجنه..
مع ابويا وامي وتتهنى..
ان انت تبقى ف الجنه..
مع ابويا وامي وتتهنى..
ويجمعني بيكم انا على خير
وللميعاد انا هاستنى..
تعبت والله انا من غيرك..
وع اللي فات كتر خيرك..
دا انا لما كنت بقول الأه..
النوم ما كان يشوف عينك..
من صغرك بتجيب اللقمه..
وتحن عليه وتديني..
في فرحي كنت تشاركني..
والحزن تيجي تواسيني..
يا شمعه كانت بتنور..
طريق ايامي انا وسنيني..
يا دمعه كانت تفرحلي..
واول حاجه تهنيني..
ياما اتعلمت كتير منك..
ومكانش ليا غنى عنك
يارب يرزقك الجنه..
ويجيلك فيها ما تتمنى..
ياللي كنت واقف جنبي ..
يا احن قلب انت ياخويا
يا اغلى ما عندي ياصاحبي..
&&&&&&&&&&&&
بيبو البدر الساطع. السويفي
كلمات تم توثيقها...بيبو