حبك طريقي ,, همسات قلم نور الهدايه

حبك طريقي يا حلم السنين
يا نجمة سمايا يا عشق وحنين
حبك فى دمى ياعمرى حياه
وأيام عشت فيها بقلبي سجين
معاك انت وحدك كسر قيوده
وطار فى سماك بأحلى جناحين
جناح ريشه نبضك
والتانى يرفرف حواليك كل حين

حبك حبيبي وصفوه في حكايا
قديمه زمان
راحت الأيام
وهم كمان
ومافضلش إلا
همس العاشقين
باحبك حبيبي
إمبارح وبكره
ولو عشت تانى
آلآف السنين
تعدى الليالى
تاخدنا ف زحامها
وطولها وظلامها
أتوه ف بعادك
يجف عودى
وتدبل ورودى
على الوجنتين
يجمعنا نهارنا
تنور حياتنا
وتترد روحنا
ونفضل متشوقين
يعدى الزمان
نقابل وجوه
نفرح ونتوجع
ويفضل حبنا
قدرنا ويقين
همسات قلم نور الهدايه