الورده ... بقلم الاستاذ عادل عباس على

الورده

جرح الورد قلبي
من كتر حبي فيه
خايف المس عوده
وبعيوني احميه
لو باعه البستاني
بعمري اشتريه
بحن لخدوده
وبرموشي اغطيه
فايحه عطوره
والنسيم يلاغيه
يا ريح هبي
عليا ميليه
احضن نهوده
واتوه ف عنيه
واغيب عن نفسي
وف قلبي ارسيه
ويكون جمبي
وبروحي افديه
ومن برد الشتا
اقفل جفوني عليه
واقله نام
وبجناحي ادفيه
واغير م النسيم
لما يمر عليه
واسيبه ف احلامه
واخاف اصحيه
يشبع هنا
وليله اكفيه
لحد نور الفجر
وديك النهار يداديه
تفتح وروده
وبالعسل اشفيه
وشمس النهار
تدوب ندي خديه
يارب احفظه
يا خالق اللي زييه

بقلم 

  ..عادل عباس علي