أيوة رجعت ... بقلم الاستاذه نور الهدايه

 

أيوة رجعت
بعد ماعنك رحت وغبت
ايوة رجعت
بعد ماكل مافيا قالي تعبت
بعد ليالي م مرت بيا واتعذبت
ماشفت حياتي قصادي
زي الحلم
مرت قدام عيني
بطيئه ،،
طويله ،،
مالهاش معنى
ياما عن ظلمك ليا صبرت
،،،،،
كنت تقولي انتي حبيبتي
وغيري في عينك طاله عليا
أ كذب نفسي
وتزيد حيرتي،،،
ياما. غلبت
،،،،
كنت بصدق كل كلامك
وارفض حلفانك
إنك صادق وعمرك يوم م عليا كذبت
واسمع عنك حكاوي غريبه
قالوها ناس عني قريبه
اقول عزال
وكله خيال
وحكاوي عجيبه
ليها رفضت
،،،،،
كنت تقولي انا نبع حنان
حب وشوق
وبر امان
انا لو عمري يشفي جراحك
ما تأخرت
وف لحظه ألاقي القسوة قانونك
و موج الغيرة يعصف بيا
وتغرقني ف بحر ظنونك
شايف اني انسان تاني
واني باخونك
دانا من كتر القسوة عليا
اتدمرت
،،،
سرحت كتير في احوالنا
وكل اللي جرا بينا
لقيتني سكت
عقلي وقلبي اتفقوا عليا
وانا قررت
ايوة رجعت
وكل نبضه في قلبي
سابقه نطقي
وجايه تقولك
عنك توبت

همسات قلم 
نور الهدايه