بحبك من سنين فاتوا
حب كبير
مالهوش حدود
فى كل يوم
يزيد صدك
وأناحافظ
لحبى عهود
قلبى وعينى
وجدانى
وأيام راحت ...
عليا شهود
ما قدرت فى يوم
أنوح وأحزن
على إنى
بيك موعود
لمين أقول
وليه أشكى
وانت عندى
أمل منشود
عشت العمر
مخبى سرى فى قلبى
وليك مشدود
ما قدرت أنساك
ولا لحظه وأنا عارف
طريقى ليك مسدود
فى قلبى الحب متعلم
ومسلم
إنه دايما ليك بيعود
ماتاب يوم عن ذنبه
ولا منعه
حصار وسدود
وجعى
ونزف جروحى
عتاب روحى
بقى معهود
كل ما احس بجروحى
أعاتب فيك
صفا روحى
الممدود
ده كله
وانت
بعيد عنى
وبتزيد بعاد
وصدود
وقلت كتير
أروح وأنسى
مادمت بعيد
ومش موجود
لكن
إمتى القلب كان طايع
لأحكامنا
وخوفنا عليه
يكون مفقود
0 التعليقات:
إرسال تعليق