عتبة وجه بقلم الشاعر الاستاذ الشريف الهمامى

عتبة وجع
********

عتبة وجع خطآ 
عليها اللي انخدع
من قبل ما يسمع خبر
ولاحد قاله ونبهه
اوعي وحساب م الهوي
دا بير
غويط أحسن تقع
فتحولوا
باب اسمه الامل
قالوا تعالي هنحضنك
سيبك م اللي كان زمان
دا بيخدعك
يا مكر يا مليان خداع
فوق الليالي
دا كان قمر
كدابة
يا سكة ضياع
تحت الكلام الحلو
طعنة
محوجة بالحُب هآن
والمستكة
وهريسة داقها محلونة
عجنوها
بالسم اللي عتق واتنقع
يعرف منين؟
والغفلة
حفلة ف المؤامرة
طب
كان يروح يضرب ودع!
محبوكة
يا قصة غرام ومحبكة
بالأقحوآن
بعد
انتظارك والسهر
يا خسارة
يا حسرة قلوب المخلصين الاوفيا
داير
ولافف ف الشوارع
دمعتُه
ساعة المطر
ومظلة الشوق
فوق دماغه مخرمة
بس النفس!
شهقة غريبة معديا
تكتم
اهآت اللهفة والاشواق
ياسمينة
كانت زرعته
يرويها عشق ف كل يوم
والهمس... صمت
واللمس ... حلم
وشفايف
اللهجة تلاغي من بعيد
وعِمة
خضرا مزينة
من فوق مقام الاوليا
يا منبر
الصرخة اللي عالية مزعَّقة
تهتف بحبك اربعة
ولا تستاهلش
من
كل ناحية وكل جيهة
وحيطان طويلة من الحجر
ابدا يا عند ما تتهدمش
يا سد
انهار الحنين
نبع الامل
كان مرة مفتوح للاماني
ليه
يا ضريح الراحة
يا كعبة
الامل اللي فاضل
من فتافيت المرار
يا منورة
ساعة طوآف الطيف
همسة
حنينة لحظة ادان الضهر
ومخففة
لسعة حرارة شمس اشواق
اللي يعشق بالاصول
خدعوا النبيل الحر
فرفر وانأهر
في
مدينة الاشباح رعب
والخوف
معشش فوق رفوف الظن
كل الهواجس
في الحقيقة اتظهرت واتوضحت
لما سقط من وشها
برقع قناع
الانس جن
والشك
شيطآن القلوب
اللي يعكر ميه الشوق واليقين
مغلوب
علي امرك وتارِك خطوتك
ترميك
ف حارة من حواريها المذلة
يا طهر
يا عفة الاخلاق
يا بدعة الخلاق
وتقولوا ... أخس؟
سكينة
تلمة وعلمت في جسم حر
والندل عبد ...تمكنه
يخلا يبيع وبسعر بخس
يا زهر
يا ريحآن يا تمر حنة
في
احلا منك والنبي
خلوه يفضفض يا بشر
حرفه في حلقه
وانحشر
ومتحذفوش
من كل قلبه الشرايين
خلولوا شريان للحياة
حتي
الرجولة ضميرها ضاع
ولا كان شفع
احلي
كلام الحب قاله
والحب ابدا ما نفع
يا ميت خسارة وطوق نجاه
والف ميت مليون ندم
ع اللي عِشم
مرة
ف حبيب ولا في صاحب او صديق
قلبه
من الحسرة انفطر
ياما عَلا في الواطي ورفع
والنيلة
خيبة مأطرنة
اخس س س
عليك يادي الجدع
لِ الشريف