بحر الهوى
نزلت بحر الهوي أصطاد لي بلطية
رميت بعيد الشبك المرزَقة عَطية
رجعت آخر النهار صيدآني سنآرة!!!
قالت دا رزقي أنا من ربي وهدية
****...
من فوق شواشي الدرة ولمحت عدلية
بنت ابن شيخ البلد فلاحة أصْلِية
ف الخد خال عنبري وف رجلها خلخآل !
صفصآفة روح الجميل ب الرآحة مروية
****
حبيبي طبعه العناد الهجر وأسية
اطبطب واحايل فيه وتعبت ملاغية
معدتش تفرق معايا ولا هرتجيه تاني !
مالهوش دعوة يا ناس تاني خلاص بيا
****
من فوق سطوح البيت قَوِّمت بنية
وأنيت حمام فيها قِطقَاطِي م الغية
كشك استرالي عبايسة وجوزين كمان هزاز!
زغاليل كمان للأكل ونتاية عِتْقية
****
أسما المعاني الشوق معجونة حنية
حلوه الحروف الجميلة دهبي ومطلية
كتبت كلام النور طقطوقة عسلية
موآل عتاقي ل بدآرة ميخرش الميه
بقلم
الشريف همامى
( موآل عتاقي ل بدآرة ميخرش الميه)
في اشارة لموال الزمن القديم ... وكانت تغنيه الست بدراة (بدرية السيد)
في اشارة لموال الزمن القديم ... وكانت تغنيه الست بدراة (بدرية السيد)
0 التعليقات:
إرسال تعليق