***
أبويا قبل مايموت علمنى
انى ماردش على أكبر منى
الكبير كبير وله احترامه وبرضه بيفهمنى
حتى ان لامنى وبهدلنى وبيعنى
ووصى الكبير يعطف على الصغير
والصغير يقول للكبير وجهنى كلمنى
انت كنت زمان بتشلنى تعلمنى
ولو متعلمتش الناس هتهنى و تظلمنى
هتسبنى والا زى مشلتنى هتعلمنى
الناس بتقول مين ابوك اخوك نسينى
واللوم على.. وعلى اللى ربانى وعلمنى
وبرضه ابويا قبل مايموت علمنى
انى اقوم لرجل كبير اوست كبيرة
من غير ماهما يطلبوا منى
ولوواحدة وقفة اقوم لها
تقعد فى مكانى وتحرمنى
واجب وفرض م العين والننى
وبرضه ابويا قبل مايموت علمنى
صوتك ميعلى على اكبر منك
واوعى تغضب وانت بتكلمنى
وتقف وايدك جنبك واوعى تزعلنى
وشربت كل تعاليم ابويا وامى
ولما بدات انفذ لاقيت الناس بصين لى
وبيتغمزوا ويقولوا ده طيب وجننى
طيب دى كلمة بتزعلنى و بتالمنى
يقصدوا ايه ... ضعيف غلبان طمنى
مستحيل ..! حد يفهمنى وأنا ألبى
حتى لو كل الناس ظلمنى وتعبنى
كفاية رضا اهلى ورضا ربى
ودنيا ثوانى وبتعدى وبكرة تهدى
واللى باقى فيها حبى وطيبة قلبى وودى
وطاعة اهلى وحب الناس وطاعة ربى
وابويا قبل مايموت علمنى
تبسمك فى وجه اخيك صدقة
والطاعة فى الاستطاعة
وزى ماليك حقوق عليك واجبات بالمللى
وداين تدان وحاسب نفسك قبل ماتنام
زعلت مين وفرحت مين يابنى
اوعى الناس تغيرك وتكرهك
وتدعى وتقول مستحيل تكون ابنى
بقلم محمد عباس معلم الاسماعيلية
0 التعليقات:
إرسال تعليق