بياع الصحف,,, بقلم الأستاذ,,,مصطفى الشاعر

مصطفى الشاعر

بياع صحف
بياع كلام انا طول عمرى
اخبار واهرام والمصري

عشرين سنه احدف واجرى
فكرة وخبر مصطفى امين
وكلام انيس ابو التفانين
مصطفى محمود فهمى هويدى
واحمد رجب--وابن جنيدى
مجدى حسين وناس تانين
واقع وعشته وعمر حزين
ويومى شغلى ابيع جرناين
حال البلد مايسر العين
ويوم ما بطلت ابيعه
الشعب قام كله جميعه
بثورة يوم خمسة وعشرين
فرحت طرت زى المجانين
وقلت يا حلمى يا دفين
المجد جاى والا رايح فين
وحذرت من حبة تعابين
لا من سمع ولا حد فطين
عدت سنه ووراها اتنين
ورجعنا للاول فى الطين
وتهنا وتاه الثوريين
مصطفى قمر