بقلمى يوسف ونيس مجلع ايطاليا بريشيا
اصدقائى الاعزاء كلمه بالعاميه بعنوان
منجاة قلب
ياقلبى ايه اللى خلاك ---------- تمسك فى اللى سابك
قبل متدوب فى اساك ----------- معملتش ليه حسابك
لما الهوى ناداك ----------------- ما قفلتش ليه بابك
لا كان حبيب جفاك --------------- و لا تعذيب نابك
-----------------------------------------------------
ليه ياقلبى ليه كدا ---------------- نصبر عليه كل دا
صبرنا نخبى شوق ما هدا --- صبر ياقلبى فاق المدى
قدمنا ليه روحنا فدا ---------- وورد عليه دموعنا ندا
وسوقنا عليه دا ودا ------------- لااثر فيه ولا اهتدى
-----------------------------------------------------
ياما ياقلبى عاتبتك ------------- ولومتك على طيبتك
وحاكيتلك وفهمتك ------------- صارحتك ما جاملتك
شرحت ظروفى ونبهتك ---- وبحت بخوفى من بختك
وخليتك على راحتك ---------- لقيتك راضى بحيرتك
----------------------------------------------------
سنين نحتار ونتمنى ----------- دايبين فى نار وجدننا
ومصدقين النار جنة ------ حالفين نختار اللى فى بالنا
مساجين اسوار احلامنا ------- مساكين واندار زماننا
حلوين والمرار حالنا --------- عايشين بافكار تحلالنا
----------------------------------------------------
على فين يامشوار املنا ----------- تايهين اقدار تنقلنا
مهاجرين من دار جدورنا -------- راكبين تيار اتعابنا
جريت بحار و بعدنا ---------- ودبلت ازهار اعوادنا
لا شايفين انوار ترشدنا ----- ولاسامعين اخبار تطمنا
----------------------------------------------------
يا قلبى دقك حيرة ------------- ومسكن اللوم افكارنا
خلى عندك بصيرة ------------ واركن هموم اوهامنا
انسى ودك والغيرة ------------ وانسى غيوم اشجاننا
قبل الدقة الاخيرة --------------- يمكن فى يوم نتهنا
بقلمى يوسف ونيس مجلع
0 التعليقات:
إرسال تعليق