من غير عتاب ..... بقلم الاستاذ اسلام عامر

. من غير عتاب .....

 من غير عتاب ولا شد
بكل صراحة بجد
أنا مش مسئول عن حد
مش ح اشغل بالي تاني
بكل خاين جاني
قدر يبعد ينساني
بيحب نفسه
أناني
كفاية كدب وخداع
ماتت كل الأوجاع
من كل قلبي وداع
حقيقتكوا
انكشفت بانت
أيامي عليكوا
هانت
واعلنت
الهجران
كان صعب عليا اتكلم
طول عمري وانا بتألم
عنيد وعمري ما اسلم
وخلاص القلب اتعلم
وانفجر البركان
ف رسالتي كنت بقول
عن كل كلامي
أنا المسئول
وكل حاجة مكتوبة
بالثانية كانت محسوبة
وتدوم الذكرى ف الدنيا
ياغرورة
يا قلابة يا فانية
فين أهلي وفين اجدادي
راحوا فين المخلصين
الناس الطيبين
فين زعماؤك يا بلادي
ليه كترت فيكي الأعادي
ولحد امتي
اصرخ وانادي
وتموت احلامي
وامنياتي
من غير عتاب
من غير عتاب
مملكة الأحزان

بقلم
إسلام السيد حسن
السيد سالم
عامر