وبشتاقلك
وانا عنك بعيد
لكن بنتلاقي
وبرسم صورة من طيفك
ونظرةف عيني مشتاقة
وكم دوامةف عيونك بتتشاقي
وبحضنهم بقلب عليل
وشوق محتار
تشوفني عنيكي تتبسم
وتتنغم باحساسي
ولهفة مكلبشة ف قلبك
تدوق من طعم انفاسي
الم ومرار
وبيني وبين عنيكي حدود
بتقطع خطوتي لبكره
وبشتاق من عنيكي السود
لكم ذكري
وضحكة قلبك الطيب
ايدين ع الجرح بتطبطب
بتزرع جوه احلامي
أمل وعمار
وشوش كل السكك سكت
مابيني وبين حدود روحك
وبشتاقلك صحيح لكن
بعيش وازرع ف أحلامك حنين ساكن
بعين غرقانه ف الجنه
وعين ف النار
مع تحياتي
محمد محمد الطنطاوي
١/٧/٢٠١٧
محمد محمد الطنطاوي
١/٧/٢٠١٧
0 التعليقات:
إرسال تعليق