أطلال حلم
ازاى قدرت تقول
و
بكل قسوة
اللى بينا ماكانش حب
لأ..
ده نزوة
ازاى قدرت
تبدل ملامحك
فى لحظه واحدة
لا ..
مش دى العينين
اللى ياما شفت فيها
نوور بجد
مش بس
ومضه
مش دى الملامح
اللى رسمت
جوه قلبى وعمرى
أحلى فرحه
ولا هودا إحساسى بصوت
غنى بإسمى
ولحن حبى
أحلى همسه
الإيدين اللى
بتشاور بالوداع
ياما قالت كل الكلام
بس...
بلمسه
لو جالى امبارح سألنى
عن طيف فى صورة
من زمان
هأقوله هـ انسى
لو زارنى بكره فى حلمى
مين هيشاركنى
ويحكى ويايا حكايه
بيها حاسه
عينى لو غمضتها
هتشوف نظرة من عينين
سرقت هنايا
ولو غصب عنى فتحتها
هاشوف سراب
حلم كااااااان
عايش معايا
أوعدك
بكره هتيجى فى النهايه
تدور ع اللى ماكنش ليك
م البدايه
لو بصيت ساعتها فى
المرايه
مش هتلقى
غير خيال
و صورة باهته
مافيهاش مزايا
لونها ضايع
زى الظلال
لما بتوه فى الخفايا
هتلاقى
إمبارح
طير وسارح
مابقاش بييجى فى أى بال
تاه منه عشه
مخبى جرحه فى الحنايا
هتلاقى كل حاجه زى ما سيبتها
لـــــــــــــــــــــــــكن
الروح ضيعتها
ما بقالها غايه
ساعتها بس
هلاقى نفسى
وأنسى يأسى
وتنزل دموع غاليه عليا
مش حزن عليك
لأ
حلم بقي أطلال
همسات قلم نور الهدايه
0 التعليقات:
إرسال تعليق