سألونى .. بقلم نور الهدايه

سألونى اللى ما يعرفونى

وقالوا ... انتى مين

وإيه هو الدليل

قولتلهم ببساطه

انا نوور

بنت الحضارة

والهرم والنيل

أبويا مصرى جدع

وأمى نسبها أصيل

شرفى راس مالى

والفخر

عندى مالوش بديل

البحر عنوانى

ومكانى

بيجاور سعف النخيل

باخط حرفى على قدى

بإحساسى

وهمسه هديل

وأتعلم من أساتذة

جمايلهم على راسى

ضيا قناديل

علمونى 

إن الإحترام


والإلتزام

هما سواء السبيل

لا باخاف

ولا أتعالى

باتعلم أكتب

ونفسى أقول الحروف

موزونه بالتفعيل




همسات قلم 

 نور الهدايه