***مريم***
احبك مريم الطاهرة
احبك من بنات عمران
انا يوسف
انا الطيب
انا نجار
رفيق فى الرحلة لو شئتى وانا الكسبان
وانتى بقدرة الخالق خلاص للروح
لو حالى ف يوم اندار
اتعبد على طهرك
جمال حسك وايمانك
وانتى جوه محرابك
وعنوانك
طريق الخالق الواحد
تجرى روحى فوق دربك
واشوف الناس بنور ربك
واحبك
احب سر تكوينك
واسفارك مزميرك
وسحر الكلمة وحنينك
سلام للكون
هزى ف نخل احلامك
يكون السعد قدامك
وينزل نور
انتى بشرى ونبؤة
فرحة ف قلبى مخلوقة
بتحيينى ........تخلينى
اصلى لربى وادعيلك
وارقيكى باسم الله
احبك مريم الطاهرة
احبك من بنات عمران
**صيف2010**
بقلمي #ابراهيم الفيراوي
0 التعليقات:
إرسال تعليق