عدا الوقت,, بقلم الأستاذ,,,إسلام عامر

_________________________ إسلام عامر __عدا الوقت
عدا الوقت اللي كان
ممكن فيه الرجوع
عدا الوقت اللي كان
قلبى فيه موجوع
عدا الوقت اللي كان
بتموتني فيه الأحزان
وفقدت فيك الأمل
وشربت من الحرمان
معملتش حساب لوجعي
وكنت معاك إنسان
عدا الوقت
حاولت أغير فيك
طبعك واسلوبك
أغمض عيني واداري
واعالج فى عيوبك
وانت
انت زي ماانت
وكان الفراق توبك
عدا الوقت
عيش على الذكريات
لو كنت لسة فاكرها
حبي ليك ماضى مات
ودموع وآهات
وجرح فات
واوقات مباقتشي
تانى بحنلها
عدا الوقت
عدا الوقت اللي كان
ممكن فيه الرجوع
عدا الوقت اللي كان
قلبى فيه موجوع
عدا الوقت
كلمات
اسلام السيد حسن
السيد سالم
عامر