يا رب ..بقلم الاستاذ / محمد عطية

 

 

 

يا رب ..........بقلم / محمد عطية
.....................................
اللى فات من عمرى
محسبتوش
واللى جاى اد ايه
معديتوش
و كل اللى فى قلبى
قلته
مخبتهوش
لا عمرى جملت كلامى
و لا زوقته
برتوش
انجرحت كتيير لكن
توب الحزن
ملبستوش
و مهما الهم جه زارنى
يلاقى الامل فى القلب
منقوش
يا رب واقف بباب رحمتك ..
بدمع مالى العين
و الرموش
يا رب خدنى فى معيتك ...
وافتحلى بابك
متقفلوش
اغفرلى ذنبى
طهرلى نفسى
و لما يجى الاجل ...
ردنى اليك بنيه صافيه
و وش بشوش
.
.
..........................................محمد عطية