اوقات بتبقى الكلمات
اقوى من المعنى
و اوقات بيبقى المعنى
اقوى من الكلمات
يفتح الستار على كورال
يغنى احد الاغنيات
فى حفل التخرج فى مدرسةبنات
الحضور ادارة المدرسة
و المدرسين و المدرسات
و التلامذة البنات
و الاباء والامهات
فى وسط الاغنية
بنت واقفة فى الصف التانى
ابتدت تشب لفوق
وتعمل بايديها حركات
و بصوابعها اشارات
خلصت الاغنية
تصفيق حاد
و اندفع.طاقم ادارة المدرسة
فى اتجاه البنت.
ليوقع عليها العقوبات
البنت بهدوؤ قالتلهم
امى ضمن المدعوات
و امى مابتسمعش
حبيت افهمها بالاشارات
افراد طاقم الادارة
باسوا البنت
و خلوها الفة على البنات
و خدوا لها صورة هى و امها
علقوها فى برواز الذكريات
ايه رأيكوا
الكلمات اقوى من المعنى
و لا المعنى اقوى من الكلمات
الشاعر العجوز
0 التعليقات:
إرسال تعليق