خير وسلام ,, بقلم الأستاذة ,, نزهه صابر ام الفمرين

خير و سلام
خير وسلام
گالوا غادي عام
و.....جاي عام
لي خدم ما يضام
ولي قرأ حقق لحلام
لي فلح هز بالعرام
لي كتب زيين لكلام
عام زين ول خايب
دازو فيه شلا غرايب
ثلج فرحوا دايب
الأمان ولى صعيب
القتل و الترهيب
شعوب في تعذيب
لغنم سارحها ديب
المعقول ول عيب
و الحرام عمر جيب
حتى بنادم ول خايب
عام واش من عام
بزاف منك خافوا
ولي ماكلتك عافوا
اسبوعة فيك ضرافوا
وانسورة شي ما شافوا
ها لي بالميكة جافوا
ولي في كلامهم تلفوا
في الميزان خفافوا
عبار الحكمة ما عرفوا
ما وزن لكلام وأكثر تهتافوا
يا عام غادي طاير
خلي لوصية لخوك صغير
يعلم ناس تعيش بضمير
وما تشرب الدم بلاصت العصير
تكون الدعاوي كلها خير
وما يجي تا لآخر و يگول
انا مزال .............صغير

نزهة صابر ام القمرين
27.12.2016