أنا إنسان ,, بقلم الأستاذ ,,,إسلام عامر

___________________ إسلام عامر ___ أنا إنسان
أنا إنسان مليش عنوان
ضاع منى الأمان
ملكتني الأحزان
ماتت الضحكة جوايا
وعمرى خمس أعوام
صدمة كبيرة مكنتش
مصدقها
قلمى وكراستى وكتابى
وكل حاجة خاصة بيا
مرات أبويا كانت
تسرقها وتحرقها
أنا إنسان
كنت أبات جعان
أقوم من النوم تعبان
اشرب من الحرمان
ملاقيش فطار كمان
أشترى منها الأكل
بمصروفى
يكبر جوايا جرحى
ويذيد خوفى
يكبر جوايا همى
اجرى اروح لأمى
كانت تزاود مصروفى
وابويا كان دايما مشغول
كان بايع الدنيا والقضية
عن نفسه بس كان مسؤول
مكنش بيطمن عليا
ولا عمره كان
حاسس بيا
أنا مش مسامح
كل ظالم فيا جارح
كان ذنبى ايه
فى الدنيا ديه
سلمت ليك يارب أمرى
ضاعت حياتى وعدا عمرى
وكنت ليهم أنا الضحيه
وامى اللي كانت
حاسة بيا
وقفت معايا للنهاية
وخيرها دايما كان عليا
أنا إنسان
مليش عنوان
ضاع منى الأمان
ملكتني الأحزان
أنا إنسان
كلمات
إسلام السيد حسن
السيد سالم
عامر