وبالعادة
سنين سادة وبشربها
ومن غير وش
انا ع القهوة بتكلم
لا متعلم
ولا الصحة مسعادانى
عشان اصرخ
ف وش السادة قدامي
اللي من غير وش
واستحلب مع الدخان
كلام الجان
بيتنطط علي الفنجان
لا انا سليمان
ولا ليا ف يوم هدهد
ولا بعرف لي
علم كتاب
ولا طمعان
ابات شبعان
وانا شايف
طبيعة قلبها الاخضر
بفعل النار بيتغير
صبح اسود
وطعمه مرار
وع الريحة
انا سكران
وبزيادة تعب انسان
بيشربها
و بالعادة
بيمضغ حبها السادة
و يجهل طعمها المظبوط
ياسادة ياسادة
#تخاريف #تخاويف
بقلمي #ابراهيم الفيراوي
0 التعليقات:
إرسال تعليق