فى زيارة لبلدتى:::للشاعر د.هشام الفقى
.....................................................................
فى زيارة لبلدتى قول قد ساعة..والطريق قول نص ساعة أو يزيد 5 دقايق
بس الطريق يكون طويل لما العمر يمر قدام عنيك وأنت سايق
تلقى الوقت بيمر بالسنين والساعات ..وأنت بتقلب سنين العمر إللى فات من سكات
فجأه عينى غصب عنى فى المرايا للحظة جات
فيها لمحت الشعر الأبيض غطا راسى ..
مهما بعدت عارف كل إللى قابلنى ..وأنا هتوه عن أهلى ولاناسى
والله فاكر كل يوم عشته هنا ولا يوم هننسى ولا كنت ناسى كل خطوة فى سكتى كانت بتحكى زكريات
ده طريق المدرسة وهنا لعبنا وهناك ذاكرنا ومع الصحاب إتقابلنا
والنهارده إتقابلت بست عجوزه مكرمشة من ناس زمان المدهشة وبصراحة إتكعبلت فى إلى كانت النفس ليه متشوقة والروح إليه متعطشة
بصت بضحكة وجهها زى نور الفجر من بعد العشا
قالت فاكرنى : طبعا يا عمه
وأنا هتوه عن حد منا وإحنا مِنَه
قالت بعدت والدنيا وخداك وكل جيلك
نسيت زمان كنت بإيدى دى أشيلك
كنا كلنا عيله واحدة وكنا لمه
بس صحابك اتفرقوا وكل واحد راح فى يَمه
ربى يبارك لى فى عمركم وأنت وولادى تجونى
كفاية كل جيلى مشو وسابونى
كانت بتحكى عن زمان والفرحة على كل الوجوه طاله
وضحكتها من جوة القلب عالية وهاله
إبقا تعالى وإسأل عليا
وأما قولك يوم فاكرنى
قولى طبعا ...طبعا يا عمه
هشام الفقى
بصت بضحكة وجهها زى نور الفجر من بعد العشا
قالت فاكرنى : طبعا يا عمه
وأنا هتوه عن حد منا وإحنا مِنَه
قالت بعدت والدنيا وخداك وكل جيلك
نسيت زمان كنت بإيدى دى أشيلك
كنا كلنا عيله واحدة وكنا لمه
بس صحابك اتفرقوا وكل واحد راح فى يَمه
ربى يبارك لى فى عمركم وأنت وولادى تجونى
كفاية كل جيلى مشو وسابونى
كانت بتحكى عن زمان والفرحة على كل الوجوه طاله
وضحكتها من جوة القلب عالية وهاله
إبقا تعالى وإسأل عليا
وأما قولك يوم فاكرنى
قولى طبعا ...طبعا يا عمه
هشام الفقى
0 التعليقات:
إرسال تعليق