هاتى يادنيا ,, بقلم الأستاذ ,, أبو معاذ رجب المحروقي

هاتي يا دنيا و هاتي
مهما تجيبي مانيش باكي
عارف إني مش على هواكي
هاتي كتير ومانيش حاكي
ولا مفضفض ولا شاكي
يروح الهم وانا معاكي
يروح المر وانا باقي
لو كنتي الليل أنا نداكي
إنتي الأحوال وانا الحاضر
وجرح كتير مانيش ناضر
و هم و هم وانا قادر
وجرح وجرح وانا شاكر
وزيدي وهاتي ولا فاكر
يا دنيا الحرب أنا عنتر
وشايل سيفي ومتغندر
وبحري عميق ومتعكر
ومش خايف ولا مهكر
إن كنتي المر أنا السكر
يا ماضي وراح كله جراح
يعدي اليوم مانيش مرتاح
وبعده كتير وانا السواح
وهم يزيد ليل وصباح
ربي كبير هو الفتاح
يبدل حزن ليالي ملاح

تأليف أبو معاذ رجب المحروقي