رساله الى صديق ,, بقلم الأستاذ,,ابراهيم الفيراوي

 


ياعمنا طارق
الطارق دايما بحنينه
علي قلبي وبلمسة ود
الولد ال بيشدو العاقل
بعيون بتمد ف خطاويها
علي طول الدرب
والرب الجاهل غناويهم
ف عيون الورد الدبلانه
واللون الابيض متشرب
بعكار الدم اللي بيغلي
ويفوح ب المسك
من عرق الظبي اللي بيرمح
ف براح القلب
يخجل او يجفل
علي قاع العين النداهه
الراشقة النظرة القتاله
وتصيب الكبد
والخوف الساكن جوانا
علمنا الحب
بالخجل الصابغ ب الحمره
لخدود الورد
والعود الاخضر يتمختر
والشوق الشوك
ف امانينا
حارسين للعطر
و دراعنا النخلة الطراحة
وجذور التوته السراحه
لغصونها الضله الفضفاضه
لطيور بتغني وبتشرب
بقنايا الارض اللي بدنها
مسامات للخضره اللي بدونها
ح نموت ب الضعف
خلاني اكتب لك
واحكي لك
الظرف الطارق
بيضاجع لبنات افكارنا
ف احلامنا
ياعمنا طارق
الطارق
دايما بحنينه
علي قلبي وب لمسة ود

بقلمي #ابراهيم الفيراوي