مين احنا ,, بقلم الأستاذ,,عادل على

 


مين احنا ....!
وفين راحت ملامحنا
مفيش ولا يوم فيه ارتحنا
نعيش بعنينيا اااه شايفين
ناس فى بيوتها ومسالمين
واطفالهم كتير مساكين
بتتهدم منازلهم وفى الشارع مصارعهم
يادوب كلمه وعلى لسانهم
ليه بنموت .!
ليه صرختنا ملهاش صوت
ليه حقوقنا صداها سكوت
مين إحنا .!
وفين راحت ملامحنا
تعبنا وعلى الحياه صابرين
ااااه راضيين
وبرضوا الظلم ويا الموت
يجينا لحد مطرحنا
ليه الدنيا تظلمهم .!
وحكامهم بتقتلهم
وناس تانيه بتخذلهم
وتخدعهم وبتبيعهم
يارب .. احميهم .. انصرهم
وداوى كل اوجاعهم
ده كل الكون بيسمعهم
وعارف ايه بيجرالهم
يارب .. احميهم انصرهم
ويا سامعين ... قولوا امين
.
.
.
.
.

بقلمى ------- عادل على