القمر سهران للشاعر د.هشام الفقى
........................................
القمر سهران كل ليلة وسط النجوم
وكل ليلة فى الهوى وفى الأشواق يعوم
وجانبه نجمة فى الفضاء حَب يكلمها
يوصف وهجها وأشواق كانت والعة
يا نجمةعالية فى السما عالية ولامعة
قولى لى ليه مطنشة واقف قصادك من ساعة العشاء
وسامعه كل كلامى وعاملة مش سامعه
وحياة الليل إللى إتحرمنا فيه النوم
لأعلى صوتى ومهما ألاقى فيه اللوم
إنتى وحدك نجمتى بين النجوم
ولا يوم يمنعنا من بعضنا حبة غيوم
ردت عليه النجمة وإشتكت لجرانه
ربك جمعنا فى ليله فى سما بستانه
والقمر عارفه قدره وعارفة مكانه
وعاشقه شكله بدر وهلاله
وسكوته جنبى طول السنين علا شأنه وزانه
والله بنحبه وتشهد على النجوم والكون وسكانه
وكل عاشق شافه وحبه وغناله
بس الحكاية هى لهيبى ووهجى
مقدرش يوم أطفيه لو حتى علشانه
ولا أنزل ليوم واحد وأنزل لمكانه
ولو بإيدى أموت أُدفن ببستانه
سكت القمر مكسوف معرفش زوق ولا خوف
غنى بكلام معروف حكايتنا مضرب مثل للى بعينه يشوف
قد سنين المحبة وقد إسمك يا نجمة وقد الحروف
هشام الفقى
0 التعليقات:
إرسال تعليق