بهيه ,, همسات قلم نور الهدايه

 

يابهيه وخبرينى
ذنبك فى رقبة مين


دم ولادك ياغاليه
سال فى غمضة عين

من غير ما يدروا حتى
الضربه جايه منين


راحوا فى مواكب
شهادة
فدا كل المصريين


يابهيه وخبرينى
الذنب فى رقبة مين


قولي وبوحى يا أمى
وإحكى وجع السنين


طول عمرك شايله همك
حمل ومرار...
ع الوتين


بين غازى سارق لحلمك
وجيوش الظالمين


وولاد طعنوكى بقسوة
بعمد,,,
أو جاهلين


أحلف بأرضك ياغاليه
وطعم دمع العين
الطعنه
نزفت أمانى
وقلبى
صار حزين


سرقت منى فرحى
وإحساس الحنين


لكل شيء جميل
عشته وشوفته فى عمرى
وشافوه الراحلين


وأرجع و أقول
غمامه
هيزيحها من سمانا
ارحم الراحمين


وتعدى زى اللى فاتوا
وترجعى يابهيه
أرض الطيبين



همسات قلم نور الهدايه