طلة ذكرى ,, بقلم نور الهدايه

 



وسط ضباب السنين
بتطل الذكريات

بسمه شوق وحنين
ودمعه بلون الآهات

عمر عدي فى ثانيه
ولا كأنه فات

ولحظة مرت علينا
كأنها ساعات

يوم عشناه بفرحه
والتانى خد حاجات

ولا اللى راح بيرجع
والفرح أوآنه فات

لفى ياسنينا بينا
نمشى زى الآلآت

لاسامعين المنادى
حتى إحساسنا مات

أهل زمان قالولنا
الموت راحه وثبات

بس إحنا لاعشنا راحه
ولا هنانا الممات

همسات قلم نور الهدايه