مقتطفات بقلم الأستاذ,,,مصطفى الشاعر

مصطفى الشاعر

شايف يا بلدى
شايف يا بلدى فوق جبينك الم
ودمعة مخنوقة على اللى اتظلم
شايف الحزن فى تجاعيد الهرم
بكرة يا بلدى تتولد فينا الهمم
بكرة كل الحزن زايل وكل هم
شايف ومش قادر ارعى لك غنم
شايف شراع مكسور فى كل يم
شايف حقوق قدامى بتتهضم
شايف دفوع واهية امامها دم
شايف وساكت لانى من الخدم
لا كلمة لى ولا صوت يحترم
شايف جبينك معرق مين اللى فرق
مين شق طريق البحر ومين غرق
مين ومين تايهه يا امى مابين الاتنين
اصل الولد كبد وفرع من الشجرة متين
مااحلى جبينك يا بلد فى الدنيا احلى جبين
مهما ولادك تتحسد ييجى يوم يوحد الاخين
مصطفى قمر


*****

مصطفى الشاعر

يا شمس دارنا
يا شمس دارنا طالة ملو نهار
يا احلى شمس تهل بالانوار
ياشمس خضرة ونضرة للاسوار
ياشمس بيتنا الملان اسرار
مافى غيرى يعرفها ويعزفها على الاوتار
شمس المحبة من غير مغبة ولا اضرار
شمس بتملا الصدور نور من غير نار
شمس لا تحرق ولا تفرق لها شرار
شمس بتضحك كانها فارس مغوار
شمس بتكتب لينا اجمل الاشعار
ياشمس دارنا طلة ملو نهار
ابويا قاللى فى حوا ره
تجاور الحداد تنكوى بناره
واللى يجاور سعيد ينسعد جاره
اوعى تدور على الهم او داره
عمره مايخلص الا بقطع اوتاره
ابعد عن جار السو واياك تختاره
جحا لما باع البيت ساب مسماره
وكل ساعة البيت كان عامله مشواره
والعبرة مش فى البيت العبرة زواره
يابنى انت لو لفيت ماتلقى حكيم عمر
كل حكيم اخرته بدري ما يتاخر
بعد الممات كلمته بتبقى وتاثر

مصطفى قمر

******