قولي باحبك
إهمس حبك تاني وعيد
حاسه بسحر كلامك ليا كأنه جديد
لما عينيك بتقولى باحبك
بتاخدني منك واروح بعيد
باروح لعالم مخلوق عشان يجمعني بيك
وابقي سعيده وتبقي سعيد
بلاقي نفسي
جوه عيونك..
بنتك.. وامك
وحب عمرك.. يا حب وحيد
يا رمش خدني من بين صحابي
وقفل عليا جوه قلبه ورحنا بعيد
*
ولما ايدك تقول باحبك
بتخلق فيا روح مش ليا
لكن ليك
باحس انك ابويا.. واخويا ..وابني وليدي
وباعيش بيك
باحسك انك سندي وعزي ..
املي وحلمي
وكل منايا اني ارضيك
انا روح اتخلقت بس عشانك
تشاركك همك
وتعيش املك
وهي ايديا ف حضن ايديك
حتي البسمه افرحها معاك
تسعد بيها واسعد بيك
**
ولما بصوتك
قلت باحبك
غنت كل الدنيا نغمه لحنك
وانا غنيت يا حبيبي معاهم قلت
ب ح ب ك
فجأه اتلون كل الكون بقي لون عشقك
وحروف اسمي بقت بحنان
تلمس رسمك
رسمت صوره بحروف من نووور
تشبه شكلك
صبحت صورتك و حروف اسمي
نبض لقلبك
قولي باحبك تاني وقول
قولها بنبضي جوه في قلبك
قولها وسمع كل الكون
انك عشقي واني
ب ح ب ك
0 التعليقات:
إرسال تعليق