*سرحت فيك*,,, بقلم الأستاذه أحلام شحاته


*سرحت فيك*
سرحت فيك و آه لما أسرح فيك
تحلو الدنيا ياه تحلو بيك
و بتحلى أكتر و أكتر
و بتبقى زي السكر
لما أبص ألاقيك
و يادوب سرحانه فيك
كنت يادوب لسه بفكر
مين بيحب التاني أكتر
إنت تقول لي أنا أكتر
و أنا أقول لا أنا الأكتر
كنت يادوب لسه بقول
هيحبني كده على طول؟
و أفضل بيه بالي مشغول؟
و لاّ دي حاجه هتتغير؟
لسه بقول إني بحبه
و ياريت أكون وحدي ف قلبه
د اختارني من وسط حبايبه
و دي حاجه هتتقدر
كنت بدعي و أتمنى
بحبنا نفرح نتهنى
د حبك هو الجنه
و من غيره الدنيا تمرر
و سرحت فيك و آه لما أسرح فيك
تحلو الدنيا ياه تحلو بيك
و بتحلى أكتر و أكتر
و بتبقى زي السكر
لما أبص ألاقيك و يادوب سرحانه فيك
أحلام شحاته
مرسلة بواسطة في 9:16 م

0 التعليقات:

إرسال تعليق

الاشتراك في: تعليقات الرسالة (Atom)