* إنت سمايا*
عاوز تجيب لي حته من السما؟
عاوز تشوف لي نجمة ملونه؟
د انت سمايا بكل ما فيها
و كنت أبعد م السما
عاوز تديني عيونك؟
تسلم لي إنت و عيونك
يحميك ربي و يصونك
و يخليك ليا أنا
عاوز تجيب لي حته من السما؟
ياللي أنا بالنسبه لك
لياليك و أحلامك
حبي بيسعد أيامك
و إنت بتسعدني أنا
عاوز تجيب لي حته من السما؟
عاوز تجيب لي إيه تاني؟
د انت أغلى الأماني
و كفايه ألاقيك تهواني
ده عندي كل المنى
و عاوز تجيب لي حته من السما؟
أحلام شحاته
0 التعليقات:
إرسال تعليق